Prabasi » दुइ बर्ष आगाडी कुबेत गएको निङ्लमु लाइ श्रीमान बितेको पत्तो छैन, कुवेतबाट पठाएको पत्र यस्तो

माघ ११ – गाउँघरको दुःखवाट वाक्क भएर विदेशमा सुख खोज्न विदेशिएकी निङ्लमु शेर्पा आफैं हराएकी छिन् । रामेछापको ठोसे ८ मा हुर्किएकी निङ्लमुको सानैमा विवाह भयो । कुवुकास्थलीका आङकर्मा शेर्पासँग वैवाहिक जीवनमा बाँधिएको पनि १२,१५ वर्ष बितिसकेको थियो । गाउँमा जहिल्यै कुटो कोदालो गरेर बस्नु भन्दा विदेशमा गएर पैसा कमाउन सकिने कुरा उनले पनि सुनेकी थिइन् । तर १३ वर्ष अघि महिलाले विदेशमा गएर काम गर्नु भनेको फलामको चिउरा चपाउनु सरह थियो ।

विवाह गरेको लामो समयसम्म पनि सन्तान नभएपछि उनले पनि विदेश जाने सोच बनाएकी थिइन् । श्रीमानसित सल्लाह गरेरै उनी भारतको बाटो हुँदै घरेलु कामदारका रुपमा कुवेत गएको माइतीकी भदैनी आङगेल्मु शेर्पालाई मात्रै थाहा छ ।विदेश गएको लामो समयसम्म निङ्लमु सम्पर्कमा नभएकाले उनका श्रीमान् निक्कै चिन्तित थिए । विदेश जाने बेलामा उनले श्रीमानसित दुई वर्षमै फर्कीआउने बाचा गरेकी थिइन् । तर १३ वर्षसम्म पनि निङ्लमुको खुटखबर छैन् । कुवेतमा कहाँ के गर्दैछिन भन्ने कुरा कसैलाई थाहा छैन् । श्रीमान स्वर्गे भएको खबर सुनाउन सकिएको छैन निङ्लमुले कुवेत पुगेको झण्डै तीन वर्षपछि श्रीमानलाइ पत्र पठाएकी थिइन् । पत्रमा आफू घरेलु कामदारको रुपमा काम गर्दै गरेको, घर फर्किन्छु भन्दा समेत मालिकले नपठाएको, उनी जस्तै चितवनकी मनु सापकोटा पनि धेरै वर्ष देखी घर जान नपाएको कुरा श्रीमानलाई लेखिपठाएकी थिइन् । सामान्य लेखपढ गर्ने उनले पत्रमा श्रीमानलाई सुखदुःखका कुरा सुनाएकी थिइन् । फोन सम्पर्क गर्न खोज्दा घर मालिक्नीले नदिएको र घर बाहिर जान समेत नदिएको कुरा पत्रबाटै जानकारी दिएकी थिइन् । विदेशमा आफूलाई सम्पर्क गर्नका लागि भनेर ६०२६२११६ र ६०२६२११९ फोन नम्बर समेत पठाएकी थिइन् । ती नम्बरमा उनका श्रीमानले फोन गर्ने धेरै कोशिष गरे । तर निङ्लमुसित कुरा हुन सकेन । जहिले मालिकले फोन उठाएर टार्दै आएका थिए । श्रीमतीसित भेट हुने आशैआशमा श्रीमानको निधन निङ्लमुले २०६५ मंसिर २५ गते पठाएको नै अन्तिम पत्र हो । श्रीमतीसँग भेट हुने आशैआशमा आङकर्मा शेर्पाको निधन भयो । अन्तिम पत्र पाएको ६ महिनामै उनको निधन भएको थियो । श्रीमानको मृत्युको खबर निङ्लमुलाई सुनाउन परिवारले धेरै कोशिष गरेका थिए । तर मालिकले फोन उठाउने र निङ्लमुलाई फोन नदिँदा श्रीमान् स्वर्गे भएको खबर पनि पाएकी छैनन् उनले ।
रामेछापको मन्थलीमा रहेको सूचना केन्द्रले विदेशमा समस्या परेकाहरुलाई सहयोग गर्ने थाहा पाएर उनकी भदैनी आङगेल्मु शेर्पा केन्द्रमा आएकी छन् । फुपू विदेशमा जिउँदै छन् कि छैनन् भन्ने दोधारमा छिन उनी । फुपूको फोटो बोकेर उनी सहयोग माग्दै केन्द्रमा आइपुगेकी हुन् । विदेश गएको १३ वर्षसम्म पनि नेपाल किन फर्किनन् त निङलमु शेर्पा उनले पत्रमा जानकारी दिए जसरी विदेशमा मालिकले नै घर फर्किन नदिएरै हो कि अन्य कारण होला फुपूको खोजी गरिदिन आङगेल्मु शेर्पा सबैलाई यही कथा मार्फत आग्रह गर्दै छिन् । घरमा कुन एजेण्ट वा म्यानपावरबाट गएको कुरा कसैलाइ पनि पत्तो छैन । उनी भारतको बाटो हुँदै कुवेत गएको जानकारी आङकर्माले दिएका थिए । आङकर्मा पनि स्वर्गे भएपछि अरु कुरा माइतीपट्टीका कसैलाई थाहा छैन् । निङ्लमुका बारेमा कसैलाई जानकारी भए मोवाइल नम्बर ९८४४१६९४१५ वा ९७४१४०४०७३ मा सम्पर्क गरिदिन परिवारले आग्रह गरेको छ । सिर्जना बस्नेत, उज्यालो अनलाइन ।

0 comments

Write Down Your Responses